Бу үтүө, бэһиэлэй бырааһынньык историятын хасыһар эбит буоллахха, аан бастаан Муус устар 8 күнүгэр 1912 сыллаахха биһиги дойдубутугар аан маҥнайгытын «Прекрасная Люканида» диэн мультик сүрэхтэниитэ буолбут. Оччотооҕу хаһан даҕаны маннык уратытык оҥоһуллубут куукулаларынан киинэни көрбөтөх дьон олус диэн сөхпүттэр. Бу мультик ааптара - Владислав Старевич диэн биолог идэлээх киһи. Кини дьоруойдарынан үөн-көйүүр буолбут, ис хоһоонугар сатамматах таптал туһунан кэпсэнэр эбит.Владислав Старевич куукулаларынан анимацията Арассыыйа эрэ иһинэн буолбакка тас дойдуларга тиийэ биллибит, ситиһиилэммит. Кини үлэтэ бэйэтин кэмигэр Аан дойду үрдүнэн анимационнай айымньыга көҥү көтүүнэн буолбут.
Мантан ылата дойдубут мультипликационнай эйгэтэ сайдан, ыыра ыраатан, кэҥээн барбыт.